Yaponiyanın Kaqoşima əyaləti yaxınlığında Çin hərbi gəmisi ölkənin ərazi sularına daxil olub.
Sitat.info Axar.az-a istinadən xəbər verir ki, bu barədə Yaponiya Müdafiə Nazirliyi məlumat yayıb.
Məlumata görə, Yaponiya ərazi sularına daxil olan gəmi Yakuşima adasının cənubuna doğru hərəkət edərək 3 saata yaxın ərazidə qalıb.
Gəmi Yaponiya Dəniz Özünümüdafiə Qüvvələrinin və Yaponiya Sahil Mühafizəsinin nəzarəti altında Kaqoşima bölgəsini tərk edib.
Nazirlik Pekin hökumətinə diplomatik etiraz edildiyini bildirib.