Rusiya Prezidenti Vladimir Putin hökumətə Rusiyadan gübrələrin ixracı üçün kvota mexanizmini avqustun 31-dək uzatmağı və bu məhdudiyyətlərin rüblük uzadılması imkanını təmin etməyi tapşırıb.
Sitat.info Gundem.az-a istinadən xəbər verir ki, bu barədə Kremlin saytında dərc olunan aqrar-sənaye, balıqçılıq və əlaqəli sənaye sahələrinin inkişafı üzrə müşavirənin nəticələrinə dair təlimatların siyahısında qeyd olunub.
“Rusiya Federasiyasından Avrasiya İqtisadi İttifaqının üzvü olmayan dövlətlərə müəyyən növ gübrələrin ixracına kəmiyyət məhdudiyyətlərinin tətbiqi prosedurunun 2022-ci il avqustun 31-dək uzadılmasını təmin edin, zəruri hallarda bu prosedurun uzadılmasını təmin etsin (rüblük)” - Nazirlər Kabinetinə ünvanlanan göstərişlərdən birində deyilir.
Bu məsələ ilə bağlı hesabat mayın 31-dək, sonra isə rüblük hazırlanmalıdır.
2021-ci il dekabrın 1-dən hökumət ərzaq məhsullarının qiymətinin artımının qarşısını almaq üçün tədbirlərdən biri kimi azot və kompleks azot tərkibli gübrələrin Rusiya Federasiyasından ixracı üçün kvota tətbiq edib. Məhdudiyyətlər mayın 31-dək qüvvədədir.