“Amnesty International” təşkilatı Rusiyanı Ukraynanın Xarkov şəhərində hərbi cinayətlər törətməkdə ittiham edib.
Sitat.info “CNN”ə istinadən xəbər verir ki, təşkilat, həmçinin yeni hesabatında Rusiyanın qadağan olunmuş kassetli bombalardan istifadə etdiyini iddia edib.
Bildirilir ki, Rusiyanın hücumu nəticəsində Xarkovda yüzlərlə dinc sakin həlak olub və yaralanıb.
Məlumata görə, təşkilatın tədqiqatçıları Rusiya ordusu tərəfindən 9N210/9N235 kimi kassetli sursatlardan istifadə olunduğuna dair dəlillər aşkar edib. Bununla yanaşı, Xarkovun müxtəlif hissələrində 7 hücumun sənədləşdirildiyi qeyd olunub.
/Qafqazinfo.az