Gürcüstanın Müdafiə Nazirliyi ölkənin şərqində təyyarənin qəzaya uğraması və pilotun ölümü ilə bağlı məlumatı təsdiqləyib.
Sitat.info xəbər verir ki, bu barədə Gürcüstan mətbuatı məlumat yayıb.
“Müdafiə qüvvələrinə məxsus təyyarələrdən biri planlaşdırılmış hərbi təlim zamanı qəzaya uğrayıb. Su-25-in qəzaya uğraması nəticəsində müdafiə qüvvələrinin aviasiya və hava komandanlığının pilotu Kaxaber Zurabaşvili faciəvi şəkildə həlak olub. Müdafiə Nazirliyinin müvafiq bölmələri hadisənin səbəblərini müəyyən etmək üçün ekspertiza aparır”, - məlumatda bildirilib.